منتديات المرقاب الأدبية - عرض مشاركة واحدة

17-05-2008, 12:42 AM

سم يابو راكان هذا طلبك

المشاركة الأصلية كتبت بواسطة ناصر الحارثي

[FRAME="7 70"]ياناثر الدمعه علـى خـدك اتبـاع
بعض الدموع اشوي وشوي وتطيح

ماهو دليلٍ تنكشف فيـه الاطبـاع
واكبر دليل اسأل دموع التماسيـح

لكن دموع اللي وراء حدب الاضلاع
يجي لها وسط الضمايـر تجاريـح

والا اصدق الدمعات من حر الاوجاع
اللي ترق لهـا قلـوب المشافيـح

دمعة يتيمٍ لامسـت يابـس القـاع
وافطر لها من صدقها يابس الشيح

لن الدموع الباقيـه عـدة انـواع
حب وفراق وحزن واحيان تلميـح

تعال ونـس خاطـرٍ منـك ملتـاع
له مـدةٍ بيـن الولـه والتباريـح

لـه مـدةٍ لاهـب للنـود ذعـذاع
يومي كما غصنٍ تلاعب به الريـح

جيتك يابو نعـسٍ خـدر واوسـاع
ينبت لها الخفاق روض ودواويـح

ويصير لك موطن ومدهل ومربـاع
محميتـه تفتـح بليـا مفاتـيـح

وليا استويت وصرت مالـك وزراع
اقطف ثمر حبٍ غصونـه مطاريـح

قدام يومٍ تصبـح انصافـك اربـاع
وتصبح مراويحك من اول مساريح

يوم حسابه تنقلب فيـه الاوضـاع
الايـام حبـلا والليالـي ملاقيـح

ومن عقبها لو دمعتك تروي القـاع
ماباحك اللي كنـت زلاتـه اتبيـح

ناصر علي الحارثي ( هداج ][/FRAME]

هـ نبي لياسر العتيبي