[align=center]يقول غلاب بن عايض
يابن رجا لولا الرجـا فالمقابيـل
علـى شواربنـا تشّـره لحانـا
لكنّ يفرجهـا مغيـث المقاليـل
نرجي عسى الله مايخيب رجانـا
ماقصدي اشكي من زمان الغرابيل
بدري على الايام تبحـث خفانـا
الوقت طوعنا على الحط والشيـل
طوع الاصيل بمطرق الخيزرانـا
يضحك بناالعساف من بعداباالخيل
وحنا نقول شيوخنـا واومرانـا
العام نحسب من حساب المشاكيل
يوم المراجل بالفعـل فـي يدانـا
قدام يغزينا ابرهه يشعـب الفيـل
اللي على بعض العلـوم يحدانـا
واليوم مافينا على المعركه حيـل
ضاعت مهابتنـا وهبنـا عدانـا
ولى زمان اهل السيوف المصاقيل
اللـي طوارفهـا تظـل قصرانـا
وجانا زمان الضعف والقال والقيل
لتفه سبب نزعل ونشقر عصانـا
انعامـل الايـام بالعـدل وتميـل
محدن على الايام عنـده ظمانـا
صحيح مانرضى الشقا والبهاذيل
احـرار والله رافعـن مستـوانـا
بعزومنا نرقى علىالجدي وسهيل
قومن على سلوم النشاما ربانـا
والرجل ماينكر حقوق الرياجيـل
لوكان عشر الوقت ترجع ثمانـا
المال لو رجال مايصحـب بخيـل
لكن جبان ومن بخل بـه جبانـا
والقل ماله حل لو نشرب النيـل
لكـن علـى معبودنـا مشتكانـا
وان كان مانسبح ولانركب الخيل
اللـي وطابغـداد بكـره وطانـا
اصون نفسي عن كلام المهابيـل
ناسٍ تحد امواسهـا فـي قفانـا
ابو مثايل وقـت بـدع التماثيـل
اصوغها صوغ الذهب ما اتوانـا
وان جاتك الابيات تحتاج تحليـل
حلـل معانيهـا ورد السمـانـا
وانا اشهدانك شاعرٍتوفي الكيـل
شعرك طرب لاهل القلوب الحزانا
الشعـر دلـه والاذانـي فناجيـل
انصب فيها الهيـل والزعفرانـا
واللي ماعنده للقصايـد معاميـل
يرتـاح ويخلـي شقاهـا علانـا
المطلوب / مناحي[/align]
|