دارين

يقول معدي المرقاب
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

فوق الثريا ياهجوسي دام قلبي ما استراح = غذي عروقي بالسوالف لين يصفي دمها
جودي بمايجلى العماس عن الظمير المستباح = علي فياض المهجه اللي كل هم يخمها
قلبي معنيني على شوف المغاتير الملاح =اللي مواردها الطوال اللي غزير0ن0 جمها
لاودهو ودهت للي ماتداوج فالمراح = ولاهيب ترعى في وخام الارض وانا يمها
اتعب على شان السمان اللي يحالفها النجاح = اللي سهمها يرتفع فالسوق حين يضمها
البارح الخفاق يكفخ من عشا لين الصباح = والعين تاكف من عبايرها وياكف كمها
عيني تطاولها السهر واثر السهر سم ذحاح = والنفس لاطول عناها قام يرعد همها
ماني بقاصر باع بس الحض لاشعشت طاح =واكبر عقوبه للنشامافالحضوض وغمها
لو المعالي بالحياله والفراسه والسلاح = محدن سبق خطلان الايدي للغناه ولمها
كم خير0ن0 تنزف طعونه من سهم سودالشحاح = وكم خايب0ن0 غيره يزم الطيبه مازمها
ماطاح فيها يامهذب من قديم الوقت راح =عزي لبيضان الوجيه اللي بحرها طمها
يفنى السنافي ماتخضع للعفون وللضحاح =وام الكبايرعيبها من خالها لاعمها
اللي زعل يشرب بحر واللي رضي يشرب قراح =تبى تموت الحيه الرقطا ومعها سمها[/poem]


اختار محمد عايش