[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بكرة يجي لك يوم يا راعـي اللـوم=وتشوف منهـو كـان فينـا أنانـي
وتشوف من يعطيك حبـه ومحـروم=أبسط حقوقـه لـو حقوقـه أمانـي
مشغول قلبـي فيك لو فيك مهمـوم=دايـم يفكـر فـي زعلـك ويعانـي
البعد مايظلمْـك وتقـول مظلـوم !=ليه انت ما فكرت بـي و بهوانـي ؟
ما قلت لك لاتحبّني , حـب بسْلـوم=عشان كل احساس حـب وعشانـي
عطيتنـي قلبـك ولاكنـت ملـزوم=و إحساسي اللي جاك ماجاك عانـي
لقيت نفسي فيك ولقيت بـي نجـوم=عدّيتها فـي ليلـة احسـاس ثانـي
وإنْ كنت ياعمري من الوضع مسئوم=شف كم حنانك كان مصـدر حنانـي
طيبتْك تشفع لي, وشعري شفع يـوم=اللي في قلبـي مستبيحـه لسانـي
خل الزعل عنّك و خل عنّـك اللـوم=ولاتقول منهـو كـان فينـا أنانـي
إنْ جيت يمّك طيف أو جيـت بحْلـوم=في الحالتين الحب مثمـر و دانـي [/poem]