يقول سعود الدهيمي
راكب اللي له وقار وتمخطاره وسمك
وله مع الرمله لياهازها تنهيـض زور
جيبٍ ابيض لاملكته دمكت الهم دمـك
مثل شيكٍ ساقه الله على كف معسـور
ماكسبته من كتابة قصيدة مـدح نمـك
مثل ماقال ابن قشعم كسبته عقب جور
كنه يقول احتزمبي لعلّي مـا اعدمـك
لانخيته في مهمه وفـار الـدم فـور
فل كامل كن ياباني المصنـع فهمـك
مشيته مشية كبيـرٍ مداخلهـا غـرور
نحرّه ياسايقه جعـل مغليـك يخدمـك
للرفيق اللي بيكرمك لو منت بخطـور
قل يابن مرجاح نعمٍ بطاريك وكرمـك
والرفيق اللي سواتك مايحجبله ظهـور
معي مشروهٍ من سعود وسعود يحشمك
ومن مشاريه المحبه ماتغتاض الصدور
لاتوخر عن رفيقـك ليامنّـه عزمـك
غير لامنك تعذّرت ثم قـال معـذور
وامّا الاقفايـه كذيّـاه مافكيـت فمـك
اعتبرها منك تقصير لو ما جا قصور
زل ثلث الليل ما اشبعـت يافكـري نهمـك
من تمعّن قاف شعرٍ يميـل الـه الشعـور
اكشفه واقراه واقـول سلـم اللـي نظمـك
وانتقاك وصاغ معناك فـي كـل الامـور
وشحّك بوشاح الابداع واختـار ورسمـك
شاعرٍ له بالوفـا والفخـر والعـرف دور
شاعرٍ ينقـى معانيـك ويجـوّد خصمـك
ويحكم اوزان القوافـي وسلسـات البحـور
ارسلك من باب حشمه وبالشرهـه دعمـك
وشرهة الطيّب فالامثـال للخافـق طهـور
مرحبا ياسعود والعرف مسهمـك وسهمـك
ياحليف الجود والطيـب يـاواف الشبـور
لاتظن ان من توخر مـراده مـا احترمـك
لاورب البيـت جابـر عطيبـات الكسـور
لاكن الظرف المفاجـئ لياجالـك حكمـك
وانت عارف من عوارف ومن ماكر صقور
والعفو والصفح ياسعود شيمه مـن شيمـك
والتماس العذر سنه ومبـدى العـذر نـور
نبي من ابداع الشاعر مستور الذويبي
|