سداح

هاذي أحدى درر محمد القثامي :-


[POEM="font="Simplified Arabic,5,black,bold,normal" bkcolor="transparent" bkimage="./images/backgrounds/15.gif" border="double,4,gray" type=2 line=1 align=center use=ex num="0,black""]
مدام المجتهد راعي طموح ولا يِعَرْف الياس = قوي عْزوم ما يحني لغير اللي خَلَق راسه
أبا اسعى واجتهد واشْهَر مِثِل مايَشْهر القرناس =وادوّن بالقصايد كل حرفٍ صادق احساسه
حسب علمي وانا رجلٍ يقيس الشيّ بالمقياس = وعلمي ماخذه ميراث جد وكسْب ودراسه
بزغ فجري على الدنيا ضحوك وعاطر الأنفاس = ونهجي منهج اهل الحق والتوحيد نبراسه
عريب الساس لوغيري كثير معربين الساس = ولي مبدا ولاعشت الحياه مْضيّع الطاسه
واذا شفت الخطا ماقول انا مالي ومال الناس = أنا رَجْلٍ يعدّل عن خطاه وعن خطا ناسه
والا ياصاحب المنصب وراع المركز الحسّاس = ترى ثوب الكِبِر ثوبٍ يعيب بْشَخْص لبّاسه
فلاتغتر بالدنيا وخذ عبره من العساس = يجر خطاه والبن الخضر مايجلي عماسه
رحل يبحث عن كنوز الجواهر والذهب والماس = وداس اللي ماحد قبله من اهل المعرفه داسه
وبعد شاف الاراضي بور وجذوع النخل يباس = نثر دمعه على خدّه وضاق الصدر بانفاسه
وهذي حالة الدنيا وحال اللي بها غطّاس = ليا منّه طِمِع فيها يعوّد يعْلِن افلاسه
حقيقه وانت ماتجهل معاني كاسب النوماس = بعد ما صبِّ لك ماه الزلال ومدِّ لِك كاسه
عساك تحِس واليا كنت واحد فاقد الإحساس = فلاتجرح شعور الناس دام الناس حسّاسه
أقوله وانت تدري بِانْ مِثلي مايِعَرْف الياس = قوي عْزوم مايحني لغير اللي خَلَق راسه
[/POEM]


أطلب لشاعر احب طروقه ( سعود القت )

*اعتقد ان الموضوع يحتاج لحلقه جديده بعد هذه الصفحات الجميله

>> هات و دوك ! <<