فراج القرقاح

هذه من جواهر المبد .. سعود القت . !



[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياللي تنشـد ماعليّـه تخاليـف = ولنته مداوي مقلتي مـن رمدهـا
عايش بغفله في علوم وسواليف = وانـا لياليّـه توالـي هـددهـا
أفـز للمعـروف وافـز للضيـف = واثني الجميله لو عميلي جحدهـا
واقدّر اللي لـه عليّـه معاريـف = وربعي خطيتهم تمـوت بمهدهـا
واثني بوقت اللازمه والمواقيـف = ولحدٍ ذكر في قمةٍ مـا صعدهـا
ودنياي عيّت لا تجيلي على الكيف = باحت خفـاي الله يبيـد جهدهـا
لو جيت اوصفها عديمة تواصيف = المسعد اللي ما يجي في نصدهـا
تغنج وخلق الله عليها مشاعيـف = تمدهـم بحبالـهـا وتعقـدهـا
دايـم مخالبهـا حـدادٍ مهاديـف = وان مست الاطناب تثبت وتدهـا
والنفس لقمه والمنايا خواطيـف = ومن هاب له من غبـةٍ مـا وردهـا
ويالله في نـوٍ قنوفـه مراديـف = براقهـا يلمـع ويـرزم رعدهـا
تاخذ ثمان ايام سحبـه مقانيـف = حقوق وسميـه بحيلـك مددهـا
غثو المسايل بالشجر كنه الليـف = ديموم سبلٍ مختلط مـع بردهـا
منه المحاجر والخباري مذاريـف = وامزونها تـردم ويكثـر لبدهـا
لين ام سالم به تجر الغطاريـف = وتنسابه النفس الشقيـه نكدهـا
وبعد اسبوع يفع نبت الشفاشيف = وتسمن به العرا وتطنـخ ولدهـا
ولاعد تجيب البدو طار المعاليف = يا ونسها يا فرحها يـا سعدهـا
تتبع هوى شقح البكار المشاعيف = بـدوٍ ومفتـاح الجمايـل بيدهـا
والعمر عـدٍ والليالـي مغاريـف = والنفس ما يشبعهـا الا لحدهـا [/poem]



نبي .. الشاعر / بنــدر