فراج القرقاح

وهذه من درر .. العصيمي ضاوي . !



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
سهرت ليل البارحه مابين بيع ومشترى=احيان ابيع الشعر بارخص سعر واحيان اشتريه
احيان اشوفه مزن وسمٍ فيه براقه سرى=واحيان احس انه سرابٍ من مشى خلفه يتيه
واصد واخليه للي من جواهره فقرى=وازيد اغير موقفي واكرب حزامي واحتميه
واخر قراراتي عسى يدري بها اللي مادرى=اقرأ النزيه من القصايد واكتب الشعر النزيه
والله مادونك يانزف المشاعر في حرى=اقطف زهور المدح والا اقرا تعابير الوجيه
انا ليامني كتبتك ياهناديبي ترى=انزفك من فكري واحاسيسي ويفهمك النبيه
كله لعين اللي ليا منه على بالي طرى=اشوف مال الشعر داعي كان ماينقال فيه
يزين فيه ملاعب الطاروق ويطير الكرى=ويبدا القلم يرسم على وجه الورق وانا ابتديه
حبه سكن فى القلب ومع الدم في جسمي جرى=وشغل مساحات العيون اللي سعدها تحتويه
هذاك لو فرّع وقابل للثريا واحترى=بعد التفرد تدري ان الها على البيدا شبيه
ولو سار من بين الزهور اللي على سطح الثرى=ترقص على عطره ولامن غاب عنها تشتهيه
لبس الحميد من الصفات ومامعه فيها خشرى=وصعد على عرش الجمال ونال منه اللي يبيه
هو الوحيد اللي حكم من مشة الصدر وورى=وانا لحالي فارس احلامه وشمعة ناظريه
كم في عيونه شفت شوق وفي عيوني كم قرى=حبٍ على وضح النقا مالوثه نية سفيه
حبٍ حفظته من ورى الضلعين في ظل وذرى=حتى عيون اهل النميمه والظليمه ماتجيه[/poem]



نبي من ابداعات .. نوض . !