[align=center]الجوّ حامـي وأنـا ملتهبـه أعصابـي
أزحف عن الشمس .. وتزحف عنيّ الفيّه
يا عطلة الصيف كيف أصبر عن أحبابـي
يطري عليها السفر مـع كـل صيفيّـه
والوف قلبي على اللي كـلّ مـا غابـي
ما كنّ فـوق البسيطـه نـاس موليّـه
لوّ أني أسرق جوازه وأشـرح أسبابـي
مانيب محسوب من ضمـن الحراميّـه !
وإن راح يصدر ( بدل فاقد ) على حسابي
أشكـي عليـه القـرارات الحكومـيّـه
وأقول ممنوع من دقنـي ليـا أشنابـي
روحي معـه بيـن مامـوره ومنهيّـه
من غيري أولابه .. ومن غيره أولابـي
ردوّه وأعـدّ لـه رحـلـه سياحـيّـه
لو انها رحلـة ٍ فـي ديـار الاصحابـي
محصوره من الكويـت إليـا السعوديّـه
منهـا .. أتلـوّا بخـلّـي ويتلـوّابـي
ومنها .. نشجّـع سياحتنـا المحليّـه !
أهم حاجه ما يتركنـي علـى اعصابـي
أجامـل النـاس وأخـلاقـي تجـاريّـه
وأصارع الشوق ميـر الشـوق غلاّبـي
عز الله انّه مـا يـاوي لا رحـم حيّـه
الدكتور سداح[/align]
|