منتديات المرقاب الأدبية - عرض مشاركة واحدة

13-06-2008, 08:03 PM

دنيـاً تناطحنـا بـلا راس وقـرون
وحنَـا نقابلهـا بــروس ٍ عنـيـده
احد ٍ يصارعها مـن الالـف للنـون
واحـد ٍ مقيدتـه واحـد فـك قيـده
دام الاجل مكتوب فالرزق مضمـون
والادمـي قانـص والارزاق صيـده
والنـاس لـو يبنـون والا يـهـدون
ماقاومـوا صفـق الريـاح الشديـده
ولو للردي مال ٍ مثل مـال قـارون
روحه ماهي مـن ثروتـه مستفيـده
ان مات مات بذل وان عاش مغبـون
لامـوت عـز ولا حيـاة ٍ سعـيـده
واهـل العقـول الواعيـه مايغـرون
ويجهل بها اصحاب العقـول البليـده
يالله هونهـا علـى القلـب وتهـون
ياخالـق ٍ خلـقـه ورازق عبـيـده
صار ال زبيده راي في عهد هارون
ولـولا الخليفـه وش تعـود زبيـده
ولو مصر ماتحزن على موت فرعون
مالـوّح السـادات للشعـب بـيـده

الله الله الله

صح لسانك يا السمي .. و الله لا يهين فكرك
عز الله ابدعت .. لله درك و الله لا يضرك
إعجابي + متابعتي + تقديري

أخوك/محمـــد ال عبـــدان