الله الله الله
لله درك
مرحبا والفرصة الي جابتـك فرصـه سعيـده
والله اني قلتها مخلـص وكـرر مرحبـا بـك
ليه تسأل عن جديد القلب مادامك جديـده.. ؟
ابا اسكر باقـي البيبـان وفتـح بـس بابـك
اعتبر شعرٍ مايكتب فيك ماهـو مـن قصيـده
واعتبر باقي العرب لاغبت غابو مـن غيابـك
كاني مصخر على شانـك شياطيـنٍ مريـده
لا بغيت افتح كتابي قـول لـي سكّـر كتابـك
باختصار اقولها في كلمتيـن.. انتـي فريـده
ليه لا ..! وانت العباه من الحلا تحسد ثيابـك
انتي اللـي لاطلعتـي للبـدر نـورك يزيـده
الله اللي كمّل الاوصاف فـي حضـرة جنابـك
يخجل الالماس واللولـو ليـا علّـق بجيـده
وانت يالعاشق لو اتطالع تبي تفقـد صوابـك
كنّها مختارها العاشق وراسمها علـى ايـده
ياالله اني في رجاك ..! ولا يخيب اللي رجى بك
ومن عذوبت منطقك ماباقي الا معـك اعيـده
ولو سألتك ضعت بالمره قبل لـ.. افهم جوابك
كنز لك قيمة ومن يملكّ ماينقـص رصيـده!
اعتبر نفسي سعيد الحض يوم الحـض جابـك
امحشومه عن غلافـات المجلـه والجريـده
ومعصومه عن طريق الغـي ويديـنٍ تشابـك
قصيده روعه
ومعاني عذبه وجزله
ذاات طابع خاص
لك فائق الاحترام والتقدير
تحياتي
|