مستور الذويبي

تحياتـي لتوقيـع أبـا الخيـل والعـسـاف
ولا فيه مانع يوم نلعـب علـى المكشـوف
ترى ما يقول العـارف الا علـى العُـرّاف
ولا يشـره المتكلّـف الا علـى المكلـوف
لحىً شمط ووجيهٍ عْـزاز وقلـوب نظـاف
ما تلقى عشاها خل عاد انْ لفاهـا ضيـوف
وأنا والله انّي أخشى فهذا الزمـن وأخـاف
على الشارب الطايل من الشارب المنتـوف
وأخاف اشقر الجنحـان ينتاشـه الحـذاف
ويصبح وهو خاطف ويمسي لا هو مخطوف
هذا والصحيح يصـح والعـدل بالإنصـاف
وانا لا استوت لي مانـي بقاعـدٍ مكتـوف
آباخذ وبأعطي واتمثنـى حـروف القـاف
وبأضرب ميادين الخطر والرجـال وقـوف
وأغنّي بعالـي صوتـي ولا علـي خـلاف
ولا في فؤادي غير خوف ٍ مـن الله خـوف

المسرّي ..

تحياتي لهكذا شعر ..وفكر .

سجلني بقائمة المتابعين ..

محبتي

عشرين عام ..وماتغيّر ولاشي!
نفس الرسوم اللي على باب دارهـ
حتى شبابيكـ التلاقي كما هي!
النقش ..وألوان الحشب ..والستارهـ
معقول ياقلبي قديم الهوى حي!
بشّر ..وأخذ مني كبير البشارهـ