دارين

ونستمر في عطاءات لا تنتهي ..تستمر من يد لأخرى ..

*

*


يقول محمد السواط



[poem=font="Arial,4,#00008b,bold,normal" bkcolor="" bkimage="" border="none,1," type=2 line=0 align=center use=ex num="0,"]يا هبوب الغربي أهديتك مشارف نوّي =إنثري هتّان عطره في رحاب الديره
مزرعة شوقي هناك ولهفتي وذروّي = وسط وديان المحبة والصفا والجيره
تنتظر..! برد وسلام وغيمةٍ من جوّي= تنقل أعياد الضمير ونفحة التكبيره
سيّري فوق الجبال اللي تزيد علوّي = وبلّغي عنّي السلام وثمّني تعبيره
ايييه يادار الكرام استمتعي واحلوّي=عادة أعيادك بخير وسمّحتك الخيره
لو على الاشواق ماهوّنت جيتك توّي = لكن ظروف الليالي زوّدتني حيره
والزمن صوته كما الإنذار قام يدوّي = وسط صدري حلم..! ويكابد على تفسيره
من صداه المر يصبح خافقي متلوّي = الهجوس يضمّها والخوف يدهن سيره
والحبيب اللي حسبته بالهوى متروّي = خيّب آمالي جنونه للعطش والغِيره
والقريب اللي ذخرته قاويٍ من قوّي = بعثر عزومي وليّمني على تقصيره
إسمحيلي ..! لن رضيت البعد..! ويش آسوّي= ما معي غير الأمل في ذكريات السيره
انقض جروحي بروحي واحتفي بسموّي = ما تقطّع بين تقديمَه ولا تأخيره
ما خِلقت اعيش تحت جناح لو ولوّي = ولا نويت أحط قدري من مكانة غيره
القناعه زادي وزوّادتي من ضوّي = والوفا يجري بـ .. دمّي مثل طعم الشيره
صاحبك مازال متنه بالقسى متكوّي = ما ينوّخ في مكان الهون زار بعيره
ودام عقله بالرضا متكيّف ومتسوّي = كل نظره صايبه من فكره وتفكيره
وان سألتيني مع الأيام كيف مسوّي = أحمد الله واشكره من فضله وتيسيره
سايقٍ عمري ورى نوّي..! واخيل علوّي =واطلب الله جنّته..! في كل دار وديره [/poem]



اختار شجاع السواط