ماعن النسخ الكامل يابو منصور
أبدع الطاروق من فكري وأغنـي
باللحـون السامريـه واتسـمـرا
ايه ياللي غبت عنك وغبت عنـي
المحبه جايـده والشـوق جمـرا
والغلا اللي ممتحنـك وممتحنـي
قسمة الله زودت فوق امره امـرا
ما عليه اصبر وانا صابـر لكنـي
موجسٍ من حكي زيد وحكي عمرا
الضمير اللي ما بين اسود وبنـي
ما يبا الابيض على الدنيا يعمـرا
علته لاشاف له شخـص متهنـي
حط في دربـه مساميـرٍ تسمـرا
وأنت جعله فدوتك منهـو شحنـي
وابوبيضاء يا حبيبي وابوسمـرا
سقت قلبي في هواك اللي شلغنـي
مثل ما ساقوا مع الفنجـال تمـرا
حطني والا أخذّني والا أنت شلني
بين ضوء النجمتين وتحت قمـرا
خلهـا شيلـة غـلا والا تمنـي
غامر امع اللي غمره الشوق غمرا
والتحيـه والمحبـه وأخـذ منـي
وردةٍ بيضاء من الاشواق حمـرا
رشها دم الخفـوق اللـي فتنـي
يوم شاف اذنك حلقها احق وامرا!
ياسلااااام عليكـ
يابو منصور
وصح لسانكـ مدد على هالابداااااع اللي امتعتنا به بعد هالبطى
سلامي عليك
..
|