السلام عليكم
قديمة ، مع بعض التعديلات
والتواصل زين :-




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

شفتك وانا مشتاق ، ولهان ، ملهوف = مسميّات شعور قلبي عديده !
عيت عيونك ترحم الحال ، وتروف ! = وعيّت تجي وياي " جملة مفيدة "
جمّعت من كلماتك العذبه ، حْروف = وركّبتها ، صارت ، قصيدة جديدة
سولف وانا بسولف وسولف وشوف = بكتب سواليفك ، قصيدة قصيدة !
خلك مابين العين والعقل والجوف = عينك تهيّضني ، وصوتك نشيده
وإقعد .. واحاسيسي حوالينك وقوف = وإن قلت لك موضوع ، بقول : عيده
ولا إتحلف ماشوفك بحاجة .. حلوف = الكذب ما والله اخبرك تجيده
لا تلحقك شكـه ، ولا يسكنك خوف = ولا تحركْكّ ، الرياح الشديده
وش فيك ضايق والسبب كله ، ظروف ! = نريد .. ! والله يفعل اللي يريده
ما كل من يبعد عن السمع والشوف = ينقص غلا ، بالعكس ! يمكن يزيده
إي والله آحبك وبآحبك / وسوف ! = أبقى معك ، والضيق ، بفكّ قيدة !
مشكور كانك فيّ ، سويت معروف = هيّضتني ، وحروفي المستفيدة[/poem]