في قمة المرقاب شعّ النور من شمـس النهـار
والشمس في كبد السماء والفلك بأمـر الله يـدور
يا اللي تغط النور عانه من يميـن ومـن يسـار
مالك جدى والنور ما ينغط من مـاض العصـور
يشوقني بـدع المثايـل مـن طويليـن العمـار
وأنا معي قلب ولسان وعقل وإحسـاس وشعـور
يا علي بن ربح السبيعي ماعلـى طرقـك غبـار
قافك على صم الصخر منحوت والبيـت أمعمـور
أستاذ شعر ولك مكان ولـك مقـام ولـك وقـار
يا طيب دورك يوم غيرك ماله مـع النـاس دور
فارس شجيع ولا غزيت إلاّ على قحـص المهـار
حاولت أجاريهن وانا ماني علـى مثلـك جسـور
لكن تكرّم والكريـم معـان يـا علـي ومجـار
وأقبل من أخوك الصغير العذر في بعض القصـور
هزيت شوقي لين قمت أمشي على نفس المسـار
سبحان رب ٍ ملهمـك تفتـح صناديـق الصـدور
أهديت لك وجهة نظر بالمختصـر مثـل المنـار
نبرح بها كل الـدروب البيـض وتطيـر الطيـور
أوافقك بالـراي وأعلنهـا معـك سـرّ وجهـار
شهـاّد حـق ولا دخلـت السالفـه شهـاّد زور
اليوم في بث الفضـا كـم مـن محطـات ٍ تـدار
وأقمارها بين السماء والارض والبـث أمخبـور
وحنا مشاهدنا من أعلى والعـلا ماهـوب عـار
العار لا عـوّد مشاهدنـا مـن بطـون الجحـور
عمار يا المرقاب لا عرّض بك الطـاري عمـار
إسمك لحالـه يعتبـر للمفخـره كـرت العبـور
أي والله أن الجمّ راهـي و المجامـل داب غـار
مير الوقايه خير من طيّـب ولا بـاس وطهـور
لا بـدّ نعـرف وش نقـدّم قبـل نبـدا الإنتشـار
من شان تسلم هيبة الموروث ما ترجـع دبـور
نحرص على المضمون لو مجنون مستشفى شهار
يمـدّ شبـره لا نعـدّه بيـن وافيـن الشـبـور
نربط عليـه السلسلـه ويطـقّ راسـه بالجـدار
ونقول لليّ جاء يفـكّ السلسلـه للخلـف دور !
/
/
مجاراة له طعمها الخاص
شاعر كبير ومجاراة لشاعر كبير
صح الله لسانك ولافض فاك ياسداح
دمت متألق
تقبل مروري
|