السلام عليكم ورحمة الله وبركاااته

/
/

مجرد متواضعه لاترتقي الى مستوى ابداعاتكم

لكن اعتبرو ها مجرد تواصل مع القسم :-


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياللي نذرت لْعيونك عمري الفاني=نذرت حاضر حياتي..وامسي ويومي
يالقاسي الحاني..انت القاصي الداني=ياهمي اللي فـ (حضنه) نامت همومي
يانجمي اللي تشكّل في سما اوطاني=نجم ٍ لهيبة بزوغه تسجد نجومي
في خاطري كلمتين تْراود لساني=لاضخّها خافقي..تاقف فـ (بلعومي)
لاتعذر الصمت واعذر بوحٍ يعاني=لاصار مغليك من شكواه محرومي
بقولها وانت ياخلّي على شاني=لاتلومني لو يزيد فـ (هرجتي) لومي:
شف دربك اللي مشيته وين وداني=درب ٍ قبل لاانتهي به خارت عزومي
قطعة عذاب ..ومسافات ٍ تحدّاني=اطيح واقوم..ثم اطيح واقومي
اتعبت قلبي وجازيته بهجراني=ولاانتب على فِعْلتِكْ هذي بملزومي
فرحت عدوانك وفرحت عدواني=يافرحة خصومك ويافرحة خصومي
ماكان هذا العَشَم..ماجا في حسباني=ترخِصْ غلاي ويصير الحب مسيومي
العام تفدا محبتنا وتفداني=واليوم تجرا تقول البعد محتومي؟!!
خلاص دامك حكمْت انك تناساني=وحكمت تجبر سماك تودع غيومي
خلاص قررت احبك..(حب الاخواني)=وان جيت محشوم..وان روّحت محشومي
ومن مثل جنس عْمِلِِه .. يجزاه الانساني=ارضى بحكم ٍ لك مقدّر ومقسومي
ان هزّ قلبك حنينك هز الاغصاني=والبعد واقف لوصلك وقفة قرومي
مانيب متغاضيٍ لاجيتني عاني=ان جيتني زايرٍ ولهان فـ (حلومي)
بقول: يامرحبا (ياحبي الفاااني)=واذوّقِك صدتي..(وآفيق من نوومي)!![/poem]

وسلامتكم

:

(استغفر الله العظيم واتوب اليه)

:


rayath.al_ezz@hotmail.com