مستور الذويبي

حبيبي لا تعلّقني ما بين الشكـل والمضمـون
مضامين الصدور المغلقـه مانيـب ضامنهـا
أشوفك مختلف ما لك من ألوان الحبايب لون
ولك ميـزه تخبيّهـا .. ولـك ميـزه تبيّنهـا
تفاصيلك يغطيهـا الجمـال ولاتقـول شلـون
من أعلاها ليا أسفلها ليا أيسرها ليا أيمنها !
حصل بيني وبينك مثل ما قالوا كـلام عيـون
وأنا ما ودّي عيونك عليّـه تآمـر وتنهـا !
لا تنشدني عن أسرار الغرام وسرّه المدفـون
تسولف لك عيوني وأنت ردّ السالفـه عنهـا
طلبتك لا تعبّث في مشاعر شاعـر ٍ مجنـون
هبوب الريح لا هبّت علـى صـدره يلحنّهـا
أخذني شاعر المعنى .. وأخذني شاعر المليون
وأبجمع لك ملايين المعانـي مـن مكامنهـا
أغني فيك وأطرب منك لو كلّ العرب يوحـون
لا تدخل بيننا والصوت لا فيها .. ولا منهـا !


من تواقيع /سداح

عشرين عام ..وماتغيّر ولاشي!
نفس الرسوم اللي على باب دارهـ
حتى شبابيكـ التلاقي كما هي!
النقش ..وألوان الحشب ..والستارهـ
معقول ياقلبي قديم الهوى حي!
بشّر ..وأخذ مني كبير البشارهـ