الشعروهبـه والمراجـل تقاسيـم
واشره على اللي كلمتـه ماوزنهـا
واللي يقـول ان الليالـي مجاهيـم
النفـس ذكـر الله يجلـي حزنهـا
للشعر من بيـن الحنايـا مرازيـم
يمه هجوس الفكر ساقت ضعنهـا
يشوش راسي فخر واعانق الغيـم
بداري مواكير الحـرار ووطنهـا
يدعي لها مواطـن وزوّار ومقيـم
وكم دولةٍ خيراتهـا مـن صحنهـا
وان شفت ابو متعب علي الملازيم
افرح بشوفة صورتـه واحتضنهـا
ملك مايرضى من على شعبه الضيم
ملك حياتـه لجـل شعبـه رهنهـا
حاكم محّكم ديـن الاسـلام تحكيـم
حاكم دخل وسط القلـوب وسكنهـا
تدمع عيونه من دمـوع المظاليـم
وعلى ملوك الارض يامر وينهـى
اشد وقع من السيوف الصورايـم
على الفتن وابليس واللي شحنهـا
ابن الامام محطم الجهـل تحطيـم
شجره ولايستغرب الخيـر منهـا
اسياسته صدق و عدالـه وتعليـم
تسبـق قرانـا بالتطـور مدنهـا
خادم بيوت الله وللشـرع تقويـم
الشعـب ينعـم والعدالـه ظمنهـا
ماعاش في زيف وضلاله وتعتيـم
لد النظر في شامهـا مـع يمنهـا
عشنا تحت رايـة معـزه وتكريـم
وحنـا رجـالٍ مايبـور معدنـهـا
تحت الاوامر والطلـب والتعاليـم
نثبت نهار الزحف ونـذود عنهـا
من دونها الارواح تسوى ملاليـم
لاجل الوطن والدين نرخص ثمنها
الله الله الله الله الله
الله الله الله الله
عزالله انك كفيت ووفيت قصيده عاليه المستوى وقوه وجزاله وابداع
والله اني ششت معها لله درّك
صح لسانك مليووووون ياغلاب
تحياتي
تحياتي
|