[align=center]فراج القرقاح ونواف نايف وجهاً لوجه
فراج القرقاح
صاحبي نواف نايف لو كفى خيره وشره
كان مالدت عيون الناس في رقم البطاقة
الجدي وسهيل نجمين ٍ على مبدى المجرة
كل واحد ياطويل العمر له مسلك وطاقـة
نواف نايف
مرحبا هالحين يافراج وأرحب كل مـره
وان لقيت الباب خشه لاتناظر كلطاقه
اقحطانيٍ تقول موظفٍ قصّـاص جـره
والنجوم لها قمر مازال يجري في نطاقه
فراج القرقاح
البقى والعلـم واضـح غـن طاروقـك وجـره
حاول انك تكتشـف ياصاحبـي سـر العلاقـة
والله انـا ماعرفنـا خبلكـم يــا آلاد مــره
غير لامنّه زعج بـ.. الصوت / لاتطلق وثاقة .!
نواف نايف
العلاقه خاربه وياك في فنـدق مسـره
شي عادي مارجينا منك توثيق الصداقه
خبل مره عارفينه مامعـه مثقـال ذره
مير معكم يااقحطان يصير ماعنده حماقه
فراج القرقاح
يالعتيبي لاتشره منت ملـزوم التشـره
خابرك عاقل ولكن فيك نوع من الطفاقه
صاحبك مادام حاضرعلم غيره مايضره
والله اعلم هقاويكم ولافيها شفاقـه
نواف نايف
الجحادر مع عبيده مالهم عندي مبـره
لو جملهم شق نابه خابره محسوب ناقه
هد وضعك لا نزيدك حرةٍ من فوق حره
خل عندك ياسفير القوم عرفٍ مع لباقه
فراج القرقاح
الجحادر مع عبيـدة ضيقـوا بحـرك وبـره
لين ضاق ابك النسم لو كنت في وسط الرفاقه
الزمان اللي حداك تذوق مـن حلـوه ومـره
اعتبرها ياوسيع المعرفة فاقـه وفاقـه
نواف نايف
طق راسك في حصاتك نجد الأنجد لاتمره
والحقيقه شي ثابت لو تلحقهـا لحاقـه
قد قضيّنـا وانتهيّنـا والزمـن لله دره
والتوّسع طبع غيري والغلط فراج حاقـه
فراج القرقاح
لاتوردها على الجـم الهيـال إبـدون جـره
اخذ ماوصاك ابوك العود ما اقول إلك عاقه .!
المواقـف طيّبـة والوقـت سكّانـك يفـره
وان جبرت العظم يانواف نايف كِسر ساقـه[/align]
[align=center]صحت السنتكم يافراج ونواف طاروق ممتع [/align]
|