محمد السواط

عفاس :_ في إبداع متجلي بكل الصور ..!!


يقول /
[poem= font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

وش عاد تنشد له عن الحال لا اقفيت =وجسر الوصال اللي بنيته هدمته
حالٍ وقف يرقب مجيّك ولا جيت =وانساب تعبيره على قبر صمته
واخذّ من اطراف المشاعر توابيت=لاشلاء حلمٍ بالمفارق صدمته
وابطى على الموعد يجر التناهيت=وانا من احزانه وهمه رحمته
اخذت له ما ياخذ الحي للميت=باقة وداع ولمت حظي /ولمته
ياللي على صدّه وهجره تجريت=مرك شعوره صادقٍ ما احترمته
وضعه كئيب ، ونبرته تكسر البيت=ياما على قطع الوصال اتهمته
ما كان يبغى منك لا غبت وابطيت=الا.. توضّح دمعته /لارسمته
ولا كان يزعل منك لو قلت واخطيت=ويقول مني والسبب /ما فهمته
حالي كذا ، يحيا شعوره وهو ميت=ليتك من احساس الغلا ما حرمته[/poem]


,

,