|
أنا ما قلت لا تسهر ؟؟؟
[align=center]
الليـل ذر الرمـاد بعيـن سهـرانـه
والصبح ما قال للسهران لا تسهـر !
ما اصعب من الشوق لا من فل جنحانه
بعيون من تكبر جروحه وهـو يكبـر
والغايب اللـي غيابـه ظلـم وخيانـة
خلى طيوفه وحبـر الدمـع والدفتـر
أخاف من نرجسه واشتاق ريحانه
لا هبّت الريح به في قلبي الأخضر
جيت اكتبه في محيط الشعر واوزانـه
لقيته اطلق شراعه للأسـف وابحـر !
أصعب من الوحده احساسي بفقدانه
واصعب من الفقد حزنٍ ما نسى يذكر
كم كنت اموت بدلاله لحظة جنانه
وكم كنت اعيش بحنانه لا انحنى واثمر
تمر بي ذكرياتٍ تعزف ألحانه
من ثوبه الأسود لمجدوله الأشقر
للتوت في شفته لحدود رمانه
للملح في ضحكته لاحساسه السكر
ومن كثر ما احتاج له واولـه لتحنانـه
أحس حتـى جفـاه بداخلـي أزهـر
يغيب عني ويـدري صعـب نسيانـه
واشتاق له كثر ما يشتاق لي وأكثـر
وان قلت عيني طوال الليـل سهرانـه
يقول : طيّب أنا ما قلـت لا تسهـر ![/align]
|