|
إلا عطرك - طلال حمزة
ما احد عمره حكا بك
يا حياتي . . في غيابك
إلا عطرك
انتي رحتي من هنا وقام يغتابك !!
إي وربي . . عطرك اغتابك ..
من سريتي وهو يسولف
ما ترك شي إلا قاله
الله ياهو دافي وثرثار
أخاذ وجري
لا تحطينه دخيلك
لا نويتي تسهري
ينثر الفوضى
ويربك كل شيٍ فـ المكان
يفتح الابواب قبلك
ولا سريتي
يرجع يعيد اللي كان
اسمعي وش قال عطرك لما رحتي :
عدد الاشياء بحياتك !!
كم تركتي ؟؟
وكم جرحتي ؟؟
كم نسيتي واحدٍ مثلي ورحتي ؟؟
كم زرعتي الدنيا من حولك وعود !!
أسئلة وشمع وورود !!
كان حاقد . . بس ما حاول يسبك
ما ألوووووووووووووووووومه
من يلومه لو يحبك ؟!
وكان مستكثر علي أندهاشي
وفرحتي بأول لقا
انتهى الليل وبقا
ما بقى في الليل شي
إلا عطرك
لا تحطينه دخيلك
لا نويتي تسهري
|