[align=center] السلام عليكم ورحمة الله وبركاته


للتواصل وعساها تنال من الرضى [/align]





[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]


يا حمامه فوق غصن الشوق من يومين ناحت=ما بقى لي من غلا الاحباب غيرك يا حمامه
قمتي تزيحين عن صدري همومه لين زاحت = وانبلج نورك على قلبي وفكّه من ظلامه
هاك قلبٍ منجرح في جوف نفسٍ ما استراحت = ما يبون من السنين الباقيه غير السلامه
راح عمري واكبر الاحلام ويّا العمر راحت = لين صرت اشوف حالي جسمٍ تشيله عظامه
وراح صوتي يالليالي يالليالي لين صاحت = كلّ نبضة قلب في قلبي وعزاللّه مقامه
ما يلوم الدمعه اللي من عيون العز طاحت = غير من لا قدر لدموعه ولا عنده كرامه
جابك اللّه بسمةٍ للحزن في صدفه واتاحت = فرصةٍ للعمر لو ضاعت .! بدا عمر الملامه
سولفي لي من ترف صوتك دلال الشوق فاحت = كن سمعي ظيف ولسانك يقهويه بكلامه
ضحكتك تنسيني جروحٍ من الوقت استباحت = كل عرقٍ من عروقي واتركت فيني علامه
لو بروق البعد في وادي جفا الاحباب لاحت = ما يموت الحب فقلوبٍ مشاعرها غمامه
إحفظي كل السدود اللي عشان ارضاك باحت = واوعدك لا احفظك .. واحفظ حبّك ليوم القيامه[/poem]



[align=center]وسلامتكم [/align]