***روح فمان الله مرضي ومسموح ***
مسموح ماجاء من جنابك خطيه***
***حبيت واثر الحب مافيه مصلوح***
ومصيبتي قلبي شبكته بيديه***
***ليته سمع في قول عاذل وناصوح***
وعف وعفا عن حب هاذي وذيه***
***يازين لاتشكي ترى القلب مذبوح***
وزود على بلواه زدت البليه***
***جازيتني والقلب باسبابك ينوح***
ماهكذا تجزى الحساني بسيه***
***عهد عليه مبدي السر وابوح***
الا لربي رب كل البريه***
***انشهد ان القلب والعين والروح***
تشتاقلك في كل صبح وعشيه***



***تراحيب القثامي***