السلام عليكم ،



قانون غير منضبط وغضب بنغالي !!
وتعبير متواضع :-


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يا ناس أخشوا من اللّي كلنّا له=نعود .. وكلّ مخلوق وما ناله

أحد يآخذ كتابه في يمينه=وأحد يآخذ كتابه في شماله

إله ٍ ما خلقنا إلاّ نعبده=له المنّه علينا .. والثناء له

شرح في محكم التنزيل شرعه=بعد بلّغ نبيّه بالرساله

أولى الألباب وأصحاب البصاير=تميّز في حرامه من حلاله

يا قلبي هدّ روعك وأذكر الله=وصلّى الله على محمد وآله

تزيد من الحساسيّه عليّه=وأنا حسّاس قلب بكلّ حاله

بدوّر نافذ بصدري وأغنّي=لعلّ الصوت يظهر من خلاله

نشف حلقي ياليت الله خلق لي=في وسط الحنجره حلق ٍ بداله

تشوف العين وتفوح الخواطر=ويشيب القلب من شي ٍ طراله

حكومه نايمه والشعب واعي=حكايه عدّها العود لعياله

ألا يا كاشف الوضع المحلّي=لعلك ما نشدته كيف حاله ؟

ترانا خابرين آخر علومه=جميله مير مافيها جماله

تبيع الناس تجّار الإقامه=نعيش اليوم في عصر الجهاله

تتاجر والبشر مثل البضايع=لها مستورد ومكتب وكاله

على كسر القوانين أستبدّت=وكل ٍ بالطمع نكّس عقاله

يجيبون العماله وأتركوها=تضيع وضاعت حقوق العماله

يقلّ السعر مع صرف الرواتب=ويزيد السعر مع نقل الكفاله !

وبني نبغال ثاروا من غضبهم=فزوع لحالهم ممّا جراله

جرايمهم جرايم عالميّه=سلاله لعنبوها من سلاله

لو أنّا نعطي المكفول حقّه=ولا نستورد عيال الحثاله

ونردع راعي المخبا الوسيعه =لا يجمع من وجيه الناس ماله

نقول الشيخ محمود السجايا=بعد ما طاب حظّه .. طاب فاله ![/poem]


وسلمتوا ،،

>> هات و دوك ! <<