على عزف هادي والمبادي بلا دستـور
تمـوت المفاهيـم وتعيـش الهواويّـه
نقزنا من الماضي على الحاضر المحضور
وأخذنا من الواقـع حيـاه .. وحيويّـه
نسلّـم لحانـا للنفـاق ونشيـل الـزور
بعـد مـا تجاوزنـا حـدود الفهاميّـه
غشانا التطوّر لين قمنـا بـدون شعـور
نغنيّ بهمـس وندفـع الشمـس للفيّـه
مسلسل سنوات الضياع ولميس ونـور
هديّـه عطتناهـا القـنـاه الفضائـيّـه
مشاهير قامت تكشف الواقـع المستـور
حوار ٍ مدبلج .. والمشاهـد رومانسيّـه
ودور البطوله عند من يتقنـون الـدور
ولميس أستقـرت بالصفـوف الأماميّـه
وقامت في صورتها تلافت عيون العـور
وسمّا عليها اللـي رزقـه الله بنيّـه !!
ننادي مواليد السنه بإسمهـا المشهـور
تقول إنهـا يـا فزعـة الله صحابيّـه !
غزتنا بفنّ العشق والخاطـر المكسـور
وحنـا بمفهـوم المحـبّـه عليمـيّـه
سخافات ودّ وهات للمغـرم المسحـور
على شاشـة التلفـاز عينـه شقاويّـه
تهدم القيم وتخـرّب المنـزل المعمـور
ويا كثـر مـا فيهـا محاذيـر شرعيّـه
لو أنّا نعيش الذل والمسكنـه والجـور
وعلينا الدول تفرض خططها السياسيّـه
لازلنا من العصفور نشرب لبن عصفـور
ولا عـاد يروينـا حليـب السعوديّـه !
تركنا كتـاب الله علـى قفلتـه مهجـور
وهـاذي تراهـا مشكلتنـا الحقيقـيّـه
الله الله الله
حكم وكلاام من ذهب ،، عز الله وفيت يالجزل ،،
سداح
صح لسانك ولاهنت ..
سلامي على بدعك وفكرك .
|