السلام عليكم ،

بويتات لا تحتاج لتقديم :-



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
على عزف هادي والمبادي بلا دستور=تموت المفاهيم وتعيش الهواويّه

نقزنا من الماضي على الحاضر المحضور=وأخذنا من الواقع حياه .. وحيويّه

نسلّم لحانا للنفاق ونشيل الزور=بعد ما تجاوزنا حدود الفهاميّه

غشانا التطوّر لين قمنا بدون شعور=نغنيّ بهمس وندفع الشمس للفيّه

مسلسل سنوات الضياع ولميس ونور=هديّه عطتناها القناه الفضائيّه

مشاهير قامت تكشف الواقع المستور=حوار ٍ مدبلج .. والمشاهد رومانسيّه

ودور البطوله عند من يتقنون الدور=ولميس أستقرت بالصفوف الأماميّه

وقامت في صورتها تلافت عيون العور=وسمّا عليها اللي رزقه الله بنيّه !!

ننادي مواليد السنه بإسمها المشهور=تقول إنها يا فزعة الله صحابيّه !

غزتنا بفنّ العشق والخاطر المكسور=وحنا بمفهوم المحبّه عليميّه

سخافات ودّ وهات للمغرم المسحور=على شاشة التلفاز عينه شقاويّه

تهدم القيم وتخرّب المنزل المعمور=ويا كثر ما فيها محاذير شرعيّه

لو أنّا نعيش الذل والمسكنه والجور=وعلينا الدول تفرض خططها السياسيّه

لازلنا من العصفور نشرب لبن عصفور=ولا عاد يروينا حليب السعوديّه !

تركنا كتاب الله على قفلته مهجور=وهاذي تراها مشكلتنا الحقيقيّه[/poem]


وسلمتوا ،