منتديات المرقاب الأدبية - عرض مشاركة واحدة

08-08-2008, 02:46 PM

(إ)لي عن الطاروق وقتٍ لاقصير ولا طويـل
فارقت نظمه لو ذِكِر عنـي بيـوتٍ فارقـه
شلته من التفكير دام الفكر في حـطٍ وشيـل
بين المشاكل والهمـوم الراعـده والبارقـه
آخر زمن يافزعة الله صار خوف الله قليـل
ماعاد نعرف مستعير الاسم واللـي سارقـه
من شافني يقول غادي لـو أحجّـه بالدليـل
من عقب ماكانت مزارق طيب جات مزارقـه
وأنا على مذخور أبوي آدم ترى ماني وكيـل
ولاني على مايفعلون الخلق شمسٍ شارقـه
زد قيل في الأمثال لن ما علت جالك من يعيل
واللي يقول إنه مخلّد في الحيـاه ، مفارقـه
دنياً غريبه ما أتغارب شئ فيهـا مستحيـل
حتى ولو قالوا نظام الغرب مثـل الشارقـه
أقولها بعد لقيت وشفت فـي حـي النخيـل
شجره ماهيب الميته مـره ولاهـي وارقـه
لقيتهـا مـره بعـد مريتهـا عابـر سبيـل
وأكثر فرق ملّة محمد عن سبيلـه مارقـه
لو كنت متفرّغ لهـا عدّلتهـا قبـل المميـل
لكن نفسي غصب في كثر المشاغل غارقـه

الله الله الله

أتيت بالشعر كله يا أبو حواء ..
لله درك و الله لا يضرك .. و عسى الله يزين الأحوال

أخوك/محمـــد ال عبـــدان