وعليكم السلام ورحمة الله وبركاته.
لشوف الاصحاب نون العيـن تواقـه
بانت عليها المشاعر فـي محاجرهـا
وطرى على القلب طاري حرك اشواقه
ايام وقـت مضـى بالخيـر يذكرهـا
ربـع لهـم للمراجـل قـدره وطاقـه
تسعى لكسب المعالـي مـن منابرهـا
للطيب تسعـى وتسبـق كـل سباقـه
وفعولهـم واضحـه كلـن يقـررهـا
اقفـى بهـم وقتنـا باقـه ورا بـاقـه
وعمر بهـم دار قـوم كـان دامرهـا
وجدي عليهم وجود اللي كسـر ساقـه
عقيـد قـوم جمـوع الضـد قاهرهـا
من يوم صابه مـن الاقـدار ماعاقـه
واعداه في كل يـوم يويـق سابرهـا
جوهم بجمع يسـوق المـوت براقـه
وانهوا معالم ربوعـه مـع مفاخرهـا
وسبو بناتـه عقـب مااستاقـو نياقـه
وجدي مثل ماتوجـد لا بعـد وارهـا
هذي رساله صحيـب فتـش اوراقـه
ولقابهـا مايحـرك وجـد شاعـرهـا
يشكي من البعد شق القلـب ورواقـه
وظروف وقت عسى الوالـي يدبرهـا
يوم(ن) كلن تمنـى عشـق وعشاقـه
انـا تمنيـت ربـع لـي وخابـرهـا
صح ألسااااااااانك يالشاعر.
تحياااااااااااااااااااتي.
|