.

اخواني الافاضل


قصيده جديده ارجو لها القبول

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يابراد الصبح سلملي على نجد العذيه=واقعي ملموس واحساسي من الفوضا يعاني
وانعدام الوعي والدقه ورفض الاولويه=مشكله كبرت مراحلها وفعلها الزماني
ماخدم وجه الصحيح اللي يحب الفوضويه=والتغبي فالغبا غير التبين فالبياني
والرفيق اللي معي يضحك واله عشرين نيه=لو يرتب خارجيه داخليه ماخفاني
فاهمن قصده واسولف معه واسراري خفيه=في ضميرن مغلقه بالقفل عن قاصي وداني
وان بلغنا فالحديث الشعر روح الشعر حيه=مابعد واريت جثمانه وعمره ماعصاني
شاعرن شعري وليد احداث واهدافه نقيه=صارفه صرف الذهب ومجسده باحلى المعاني
فيه من طهر العفاف وفيه روح المعنويه=لو بغى تحجيمه اللي يطربه ياليل اداني
من قناعاته وتفكيره ونقده ماعليه=سابحن فكري مدار الجدي وسهيل اليماني
ترتقيبي ذايقة شعري وعندي شاعريه=مايقيمها ركيك الفكر مقطوع اللساني
دبلماسية قصيدي في حصانه عالميه=من هل الاسفاف واللي ودهم تقليل شاني
ربع قرن بعالم الاعلام مجهول الهويه=ارمي النظره بعيد وتحفر اقدامي مكاني
عن قنوات الفضا خارج نطاق الجاذبيه=والمجلات اعتبرها في خيالي شي ثاني
وان لقيت الناقد اللي يستحق الافضليه=احترم رايه واقدم صدق شكري وامتناني
لوحة ابداعي من النقاد مااعلنها زكيه=لو عليها جودتي من رابطة سحر البياني
ماخذتني عزتي بالاثم والهقوه قويه=لو فلان ولو فلان ولو فلان ولو فلاني
وقفو ضدي وتيار الرياح الموسميه=انعكس سيره بما لاتشتهي سفن المواني
مايصح الا صحيح القول والدنيا مديه=والنجاح من الرسوب يبين عند الامتحاني
واختلاف الراي مايفسد من الود قضيه=والثقه فالنفس عنواني وعمر العبد فاني
هكذا سيرة حياتي والسلام ازكى تحيه=والحياه اسرارها بين الدقايق والثواني[/poem]

.