والمجلس اللي فيـه نمـة وغيبـه
ماجمله راعيه لـو بخـره طيـب
لاصار مايشري من الطيب طيبـه
مبني على النمه ولـم العذاريـب
مالي وماله والعرب وش تبي بـه
اشوم عن داره وغيـره معازيـب
من شاف عيب الناس ماشاف عيبه
واول عيوبه يوم شذب العراقيـب
هـذاك ماينفـع وهـذا ياطيـبـه
واخذوا على طيب الرياجيل ترتيب
قال المثل يا اهل العقـول اللبيبـه
حكمه وسطرها بوسط المكاتيـب
الكلمـه اللـي فالحشـا مستريبـه
عليك تبديها وما جابـت تجيـب
ايبالله ايبالله هذا الكلاااام
حكمة ياعبدالله وابيات ومعاني جزلة
صح لسانك ولاهنت والله لايضرك
سلامي على بدعك
|