مساء الخير


ارشيفيه اتمنى ان تشفع لي طول الغياب


[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا شعر لا تبقى مثل شعلـة النـار=تطفي بعـد مـدة ويخمـد اثرهـا
يا شعر لا تأتي مثل سيـل مـرار=يقلون كان السيـل مـرّ ودمرهـا
خلك مثل عرف القبايل والاحـرار=يورث من شيوخ ٍ طويل ٍعمرهـا
خلك مثل تسبيحة ٍ وقت الاسحـار=عاشت ولازالت تعيـش بسحرهـا
خلك مثل ذاك الذهب لانصهر صار=موية ذهب ما تختلف في سعرهـا
يا شعر لو إنك جبل دونـه أسفـار=لاسابـق الدنيـا واكابـد سفرهـا
يا شعر خبرني عـن بنيـة الـدار=إلها شهر ما شفتهـا فـي شهرهـا
يقلون صارت تستحي تكتم أسـرار=واسرارها مكتومـة فـي صدرهـا
يقلون ما ترقص على دقـة الطـار=مصيونة محروسـه فـي خدرهـا
الله اكبر كيف كانت مـع اصغـار=تلعب وتفرح واتباهـى بصغرهـا
واليوم كبرت واصبحت تلبس خمار=وخمارها اصدق خبر عن امرهـا
جادل مشت بين الحنايا بالاجبـار=رزت مراكزهـا وشقـت قبرهـا
في مشيها كانت ضلوعي لها اوتار=وغنت معي طرق الجبل من شعرها
جادل غدت كل السوالف والاخبـار=تلحـق مراكبهـا وتقفـي خبرهـا
أما انا لاجيت من جنـب الاسـوار=اقبّـل جـداره وأكلّـم حجـرهـا
واذكر زمن كنا نتلعب بالاحجـار=لعبة بريئه مالقـت مـن شكرهـا
تفرح ليا قالت مع الفـوز مقطـار=وافرح وكني قاطر ٍ مـع قطرهـا
يا شعر لو إنـك لهالحيـن صبـار=نفسي وهي نفسي تبعثـر صبرهـا
يا شعر خلدها على رمز وشعـار=وارفع بيارقهـا وسامـر قمرهـا
وارسل لها زين القصايد والاشعار=لعلهـا تعـرف وشنهـو قـدرهـا
واذكر لها أن العتيبي علـى نـار=ينطر رسايلهـا ويرسـم صورهـا
ياشعر سلم لي علـى بنيـه الـدار=هذا الشهر ما شفتها فـي شهرهـا [/poem]
مقطار : لعبة شعبية قديمة