....
..

السلام وعليكم ورحمة الله وبركاته



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بما أن الجنون فنون ..أبا أسرج للفنـون جنـون=وأنا أفكار ألف متنبي ..تلبي..طوع تحـت أمـري
عسيفي من بنات الريح الاطيب شكـلاً ومضمـون=مهـار تبهـر الناظر يشـد عنانـهـا فـكـري
ابا اعلم هـل الاصنـاف سـر اللولـو المكنـون=ابا اعلم كتاتيب الشعر ..عـن ..هيمنـه حبـري
لإني فالثرى ...الاثرى ...غرفت من السحاب لحون=عليها بصمه المجـد التليـد ...وبثهـا حصـري
إذا ماكنت الاكبر في عيون الشعر ...ليه أكـون ؟=اذا ماكنت الاجدر في عيون الليـل ليـه أسـري ؟
وانا من وقت همـي فالضلـوع الحانيـه مسجـون=ألي عامين صابر لين مـل الصبـر مـن صبـري
يبا يبقى الحزن/ مـادام باقـي للدمـوع عيـون=يبـا يبقـى الفـرح/ ..ذره أمـل فدمينـا تجـري
يبا يبقـى الالـم /مـادام باقـي للفـراق طعـون=يبا يبقى هذا الواقع /إلـى ايـه مـدى ؟؟مـدري
على ذكر المواجع والمفاجـع خاطـري محـزون=لو إن الحزن طيـرٍ يامحمـد عشعـش بصـدري
جداي ان ضقت صحت من الوجع : ياشعر ياملعـون=وتوالت شرد أبياته علـى لمـح البصـر تجـري
على طيف الخدود المترفات ..وطرفهـا المفتـون=تهدي بي دقايق ليـل همـي عـن لقـاء فجـري
والا ياليـل تـدري ماتطبـق للحزيـن جـفـون=والا ياثقـل دمـك عـن عيونـي ليـه ماتسـري
انا ماسم حالي غيـر قـول :أن الحبيـب يمـون=حملت اوزار حبـه مـن وفـاي ولاحمـل وزري
أكابـر واتقبـل جرحـه الدامـي وانـا ممنـون=وعذري يوم أفكر ويش عـذري ؟؟حبـه العـذري
خيالٍ حسبي الله ليت مالـه فـي سمـاي مـزون=ولكن النصيـب اللـي بلانـي فيـه مـن بـدري
والا يامهره الوجـدان قلبـي بالغـلاء مسكـون=غلاك اللي بعـد ذاك اللقـاء مستعمـرٍ صـدري
فـداوي للخـدود اللـي تشابـه لمبـة الزينـون=فداوي للوصوف اللـي تفجـر صمتـي الجهـري
أبا اخلد لك اللـي خلـده محسـن وبـن لعبـون=مادامك رمز تحريك الهجوس ..وملهمـه شعـري [/poem]



..