منتديات المرقاب الأدبية - عرض مشاركة واحدة

#1 20-08-2008, 02:51 AM

[align=center]بسم الله الرحمن الرحيم

أعتذر عن غيابي ولكن تبقون أحبابي ومنتداي الغالي

( سنـــــــــــوات الضيـــــــــــاع )[/align]

[poem=font="Simplified Arabic,5,purple,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ألا يالله وفقنـي وهبلـي مـن جـلالـك نــور = يقديني علـى مسـرى الظـلام وغربـة أيامـي
تعبت أضحك على نفسي وأجامل ضحكة المسرور = وأنا في داخلـي هـمٍ يعاتبنـي علـى أوهامـي
أعيش بحرة الضامي وأسايـر حظـي المعثـور = أسوق الرجل في درب الضياع وماتت احلامي
أبيّـن للرفيـق انـي بخيـر ولا علـي قصـور = وصدري بـه يهـوديٍ يعكـر صفـوة اسلامـي
أخبي سالفة عمـري وأدمـدم جرحـي المقبـور = ولا كـل القبـور تفيدنـي ياجرح الأعوامي
بقالي دمعةٍ زرقـا وحكمه مـن ثـلاث سطـور = أرددها علـى بالـي ليـا مـن طـال درهامـي
يدور الوقت والدنيـا لهـا بأهـل المواقـف دور = رياجيـلٍ لهـا عنـد المصايـب موقـفٍ سامـي
تفرج كربة العانـي وتدهـن شـارب المعسـور = بها ماتقصـر الهقـوه وتخطـي بنـدق الرامـي
أقوله والرجـال الطيبـه تعـرف كـلام الـزور = وأنا ما أشهد شهادة زور وربعي قوم ابـن لامـي
صحيح الحظ ماأنصفني وذقت من العنا والجـور = تجمع بالحشا جرح الفقير وحزن الأيتامي
لو أني المغرم الهايـم بحـب الجـادل المغـرور = يشح الما على جـال الغديـر وصاحبـه ضامـي
حبيبي لي متى وأنته بعيـد وخاطـري مكسـور = تعال وريّح اللـي ذاق مـن مـرّك ولا صامـي
خطرني الموت بغيابك وصرت أمشي بدون شعور = طويت أوراقي البيضـا وجفـت بعـدك أقلامـي
كأني ماكتبت الشعر ولانـي الشاعـر المغمور = أحس الهاجس المشتـاق حرمتـه علـى ألهامـي
مدامـك سيّـد أشواقـي وقلبـي شعلـة التنـور = حـرام بسكـة أيامـي تعثـر خطـوة أقـدامـي
اذا ودك تعـذر ياهـوى بالـي تـرى مـعـذور = تعـال ولملـم شتاتـي وجمـع باقـي حطامـي [/poem]