الشعبي له حقّ


[poem=font="Traditional Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الهاجس اللي له الريضان محميّه=متغانمٍ صيدها من كلّ تفّاقي
اضيق من وحدتي , واسري مساريّه=والقى معه سلوتي , من شقوة الشاقي
اجيه , لاصارت اخلاقي تجاريّه=وماعوّد الا بعد مازانت اخلاقي
ياداعي الشعر بهْجوسه واساميّه=ماجيتك الا وانا للشعر مستاقي
عليك زينٍ مايوجد بالعرب زيّه=ماينوجد بالصوالين وبالاسواقي
احكاك ذرب وتواصيفك خياليّه=تتعب خيالي لياخيّلت , وآفاقي
يامن لك امن الخصوصيّه خصوصيّه=في كل ليله تزيد اشواقي اشواقي
في سيرتك تمطر الاقلام وسميّه=وايسيّل الحبْر , وتربّع لك اوراقي .!
اطريك في كلّ ذكرىً نارها حيّه=واذكرْك عند الغروب وعند الاشراقي
كفّرت معْك العلاقات الغراميّه=وعنّيت قلبي قبل لااعنّ لك ساقي
لايبطي الشوق وتموت المحنّيه=ابغيك في ديرتي لاناض برّاقي
دامك , تجمّلت فيني بالرومنسيّه .؟=عجّل بموعد لقاك وكمّل الباقي .![/poem]