المشاركة الأصلية كتبت بواسطة سداح
جاذبت عذب الكـلام وقلـت مالـم يٌقـل
بعد اكشفت لي هنوف الشعر عن ساقهـا
وعن زيف الاحساس وأوهامه نهيت العقل
مادام صـارت جيـوب العالـم أخلاقهـا
وقمت انتقي من مجانيهـا وهـي تنتقـل
بيـن المحبيـن عاشقهـا ..ومشتاقهـا
من غيرها يستحق البوح بـدع ..ونقـل
في وصف يرضي غرورالناس وأذواقهـا
للّـي بخفّـة تمايلهـا شـويـة ثـقـل
من ثقل ميل الغصـون لخفّـة أوراقهـا
ماكنّهـا ألاّرهيـف السيـف بعدالصقـل
منهـا عيـون الحسودتضيـق باحداقهـا
لامرت بعيـن قلبـي والخطـاوي وقـل
تقـول كـن الغيـوم تحـاول عناقـهـا
أضمّهاداخـل أعمـاق وأشوفـه أقــل
مايمكن أقدمـه لاجـل أسكـن أعماقهـا
كلي فـدا لابتسامتهـا ..وسـود المقـل
أمـوت ..وتمـوت مافكـرت بفراقـهـا
قلبي على حبّها الطاهرزرعتـه حقـل ..
..ألغام دونه عـذارى تنشـف أرياقهـا
وخفّاقهـا لاجـل حبـي سوتـه معتقـل
واللي مكذّب يـروح يشـوف خفّاقهـا !
عن غيرها ناظري فوق الغيـوم استقـل
ماكـل غيمـه تمـر يخـيـل برّاقـهـا
من بدّل المـنّ والسلـوى بفـوم وبقـل
ياااعنـك مايعـرف الـلّـذه ولاذاقـهـا
يا عنك أنك أبو الروائع
ويا عنك أنك تحصد الإعجاب من أوسع أبوابه
ويا عنك أنك مبدع فوق العاده
ويا عنك أنك كيّفت مزاجي
صح لسانك يا بو شاهر ،
صح بدنك ياسداح ..
ويااااعنك إن كلامك يعني لي قصائد
محبتي بلاحدوووود..
أبوشاهر