[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]



ياسلوة الخاطر ماعندي ضغينه = ورجلي على الزله مايزهف قدمها
قل ماتقول اسوار قلبي حصينه =من سولت نفسه لها ما اقتحمها
من شان عين يقال تكرم مدينه =ومدام هذي رغبتك محترمها
قلبي على اسرارك حصونه متينه= ماهيب فرصة عاذل(ن) يغتنمها
لاتنحرج و الليل عندك سفينه= القلب مرساها وحبك علمها
تعبر محيطات العيون الحزينه =الي زماني في وصالك ظلمها
اهرج وعيشنا بهدو وسكينه =خل المشاعر تنتشي مع نغمها
مشاعري في رمش عينك رهينه= من سلهمت عينك تجود بكرمها
عرش الهواء ياغايتي معتلينه= ونفسي على شانك بعيداَ ندمها
ويش عاد حبك ياجميل لبثينه =ياشيخ روح وسيرتك نحترمها[/poem]