،


السلام عليكم ورحمة الله وبركاته

من القديم للتواصل وارجو المعذره على التقصير

[poem=font="Simplified Arabic,6,green,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

من جر له موال قل خير يا طير=غمزت سميرة أحرقت كرت ورده

هات البيوت اللي تهز الطوابير=تنومس الرجال وتسر كبده

بلاش من عنتر ولا سالم الزير=من دبلج الموضوع حنا نحده

يا عوير لا تسند بقافك على زوير=تبني قصر وأهل الفهامة تهده

تاريخ كنه من حليب العصافير=يفرح به التافه وسرده يوده

لا بارك الله في فنون الأساطير=اللي تسممنا بعد كل مده

من ضيقتي بالرأس جتني سعاطير=أجيوشها في داخلي مستبدة

تقول في جوفي ثلاثة دوافير=تشعل حشاه ويكثر اليوم قده

يحوم فوق الرأس قطاع ويغير=حرٍ على طلعه ليا تل أهده

النادر اللي وسط كفه مناشير=ما شي يمنع ضربته أو يلده

قرناس جو أقطع من التبع والجير=له فالخلاء ماكر ومعروف جده

ما هو من الألمان جابوه تصدير=في ساقه أرقامٍ تبين مرده

طرح الشبك للحاكم يساق تقدير=يزهى يمينه لا مسح فوق خده

أشقر وفيه تساق جملة دنانير=تدفن فقر مثلي ودينه وتسده

أجيب له عندي من الفكر تعبير=يرضي طموحي يوم ألحن وأمده

شاعر وأجيب القاف ما لد وأشير=من فكر راسي أسحبه وأستمده

على الورق أسجله غصب ويثير=شعور من يسمع قصيدي وأشده

وأنا ينومسني ما بين المناعير=قاف الجزل لا قام قدمي يعده

يوم الشعر يحتاج حبكه وتصوير=أخيول فكري دايمٍ مستعدة

تطب بالمضمار وتنافس الغير=مهره أصيلة عصرها تسترده

ما هو بقاف معرجين المشاوير=هيكل بلا روحٍ وأنا اليوم نده

حرمت أعد الهزل لو يهدم البير=جزل الشعر أمعرب الجد قده[/poem]



وسلامتكم من كل شر


فمان الله


.

سبحان من بيده العالم
يسير قدام وخلافي

من ذا الزمن ما حدٍ سالم
الوضع بين وينشافي


gbran16@hotmail.com