منتديات المرقاب الأدبية - عرض مشاركة واحدة

12-09-2008, 09:30 PM

المشاركة الأصلية كتبت بواسطة ضيدان ابو ثنين

ماكنهـا الا لشوفـك بـس مخلوقـه
.................................عين(ن)لياغبـت طيفـك مايفارقهـا

اي والله اسهر لذيذ النـوم ماذوقـه
................................روحي لقت في هواهـا مايضايقهـا

ولوكانها من لهيب اليـاس محروقـه
...............................نفسي بسلك الرجا لرضـاك اعلقهـا

ياجارح الجرح راع الجرح من شوقه
................................حاله بكثر الغـلا والحـب مرهقهـا

هيضتني للقصيـد العـذب وطروقـه
...............................وانا القصايد قبـل عرفـك مفارقهـا

ايام راحت يقـود القلـب ويسوقـه
...............................زولك وطاريـك والغـره ومفرقهـا

وجبينك الي سواة الفجـر بشروقـه
................................نوره ورى قذلتـك لاقمـت تفهقهـا

والنظره الي تهـز القلـب وتعوقـه
.............................لغضيت بالعيـن والنظـره تسارقهـا

ياعين حر(ن)نهض ثم تـل بسبوقـه
............................يرخي بكفه على الصيـده ويصفقهـا

والعنق منتوق والاوصاف مرموقـه
.............................وفي لمحتك لـو بوصفهـا واوثقهـا

ريم(ن)رعت من ربيع زاف زملوقـه
...........................ولدت على الضيحه الـي ماتحققهـا

طاريك سبت شغاف القلـب وفتوقـه
............................ياخاين العشـره المبطـي وبايقهـا

صدقت ناس(ن)بكثر الهرج مطفوقـه
............................لاشافـت الكلمـه العوجـا تسابقهـا

بعض العرب لايغرك حلـو منطوقـه
..............................عليـك يفـرح بحاجات(ن)يلفقـهـا

ابعد وخل المغطـى وسـط صندوقـه
...............................مـادام فينـي عبـاد الله تصدقـهـا

من تحت ضني وانا كنت احسبك فوقه
...........................سحابة الصيف غـر العيـن بارقهـا

اتمنى ان تنال رضاكم

ضيدان ابو ثنين

مبدع مبدع لله درك والله لايضرك

صح لسانك واعتلا شانك ولا هنت

قصيده اكثر من رائعه وننتظر جديدك