بسم الله ,,

ايها الاحبه

لاادري من اين ابدا ولكن خلال تصفحى لمواقع النت وجدت
مايقشعر له البدن فهذا شاعر يشبه الكعبه ( شرفها الله ) بالمدعوه لميس
والعياذ بالله ويتهكم بالدعاه في قصيدته
فخرجت هذه المتواضعه ردا على ذلك
00000
000
0

[poem=font="Arabic Transparent,6,black,bold,normal" bkcolor="transparent" bkimage="" border="groove,4,gray" type=2 line=1 align=center use=ex num="0,black"]
للحق صوتٍ من ثلاث ايام في فكري يدور = والسالفه ماهي قصيده تِنْكِتب بكتابها
لاوالله الا خايفٍ من عاقبة بعض الأمور = ومن كلمةٍ ينطق بها اللي مايحَسْب حسابها
وينْزل غضب ربي علينا ثم نهلك في دبور = أمثال من ربي ذِكَر فالذِكْر سوّْ عقابها
وياسعود جيتك والخبر تلقاه من بين السطور = من بعْد ماسقت القدم بسهولها وهضابها
وامسيت دمّي مثل غيري من هل العزّه يفور = في ليلةٍ أضفَت على راس الجبل جلبابها
ولمحت فيها الفتنه اللي ضيّقت كل الصدور = وانا الذي من قبْل احذّر من قبس مشهابها
كتبت عن فتنة لميس وصحت بلسان الغيور = وبيّنْت واقعها بعد ماشفت جرّة دابها
واليوم شفت اللي يقدّسها وبالصوت الجهور = ويحد سيفه والدعاه اهل الهدى يغتابها
ويشبه الكعبه براعية التبرج والسفور = في سابقه . وابرا الى المولى من اللي جابها
مدري طغى والا غوى والا يدوّر للظهور = لكن عساه بعلّةٍ جوف النحر يبلابها
ويالله يامحيي الرميم وباعثٍ مَنْ فالقبور = رحمتك يارحمن عنّا لاتصك ابوابها
حنا عبادك نطلبك رحمتك في خير الشهور = فلاتواخذنا بِجُرْم اهل الفتن واربابها[/poem]