[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياحمود همي بضماير كتمته=بين الضلوع المهدفه والسراجيف

ماينقسم يالقرم لوني قسمته=شفهن بجوفي يا بن عمي مراديف

وين انت يالي ينتفض لازهمته=ماحسب حساب التعب والتكاليف

مادنق براسه وشانت اعلمته=هذاصحيح القول ماقلت تزييف

كم عايلِِ من ضرب كفك وسمته=يصبح ذليل النفس عقب الزعانيف

ياحمودهاجوس اليالي عزمته=ولاعاد فيها يابو جازي مناكيف

مدري ضلمني الوقت والا ضلمته=دنيا الفنا عيت تجيني علي الكيف

لي خط واضح في حياتي رسمته=اصبرعلى هوج الرياح العواصيف

وراعي النقيلي يابوجا زي حجمته=ولاني بحال مشبكين السوا ليف

كم اربدن بسلاح صمتي هزمته=الصمت حكمه الرجال العوا ريف

ومن زادفي هرجه نطقت و لجمته=علي النقا ماغلف الهرج تغليف

لهل النميمه بيت نملِ وهدمته=سود القلوب مكسرين المجاديف

واللي عطاني راسها ما رحمته=وانت تخبرياحمودلاوصلت السيف

وختامها جاك الجواب وختمته=وعليك حل الرموزها بلمظاريف[/poem]