محمد السواط

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحه يوم باقي ثلث وقفّى منه ثلثين ! = العين حتى لذيذ النوم عيت تهتنيبه.!
طرى على بالي اللي قافي الانسان بعدين= والعبد تعرض فعوله كلها والله حسيبه
ولا عاد ينفعك لا مالك ولا عزوتك الأدنين= ولدك مايلتفتلك لو تصيح وتعتزيبه
كلٍ يجازا على حسب اعمله با الزين و الشين= لن زان. زان الجزاء ون شان ياكبر المصيبه
الموت عنى يذكى يعني انّا ندوم حيين= راع النعيم بنعيمه والهيبي في لهيبه
وحنا نسينا العذاب ونرغب الدنيا عن الدين != العيب فينا وحنا نشتم الوقت ونعيبه.!
فامور دنيا الشقا زدنا الشقى فيها ولاهين .!= ماندري آجالنا هي مبعده ولا قريبه
نعرف وش انهاية ابن ادم ولا احنا مستعدين = ولا العِبر واضحه لهل العقول الّي لبيبه !!
جيل التقاليد جات منين ولا راحت منين != ونبرر الخوف حريه ومعضمنا رضيبه !!
من شدة الخوف بعض احيان ننسى انّا مسلمين != ما باقي الا الصليبي نسبقه على صليبه !
غلطو على اشرف بشر ومقاطعتنا بس يومين .؟= كن البقر ما نعيش اما شربنا من حليبه !!
ياليت غيرة صحابة سيدي فينا لهلحين= والله ليمدي لنا قيمه ومقدارٍ وهيبه
ماكان شفنا الوضع هذا وعانينا الأمرّين= ولا دفعنا على الاسلام والسنه ضريبه[/poem]

الله الله الله .. عزالله صدق .. يابو محمد ..!
قصيدة غير .. وبحر غير ..نص فارق .. ومؤلم .. وصريح .
لاجديد .. سوى أنك شاعر .. لفت الانظار .. لشاعريتك بوقت قياسي .
.
.
.
تقبل المودة ياصديقي .. << مستلفها

,