فراج العتيبي

لو كانت همومي كبـر هامـة طويـق
سبحانه ، اكبر مـن همومـي ومنـي
ومادامـت الدنيـا حظـوظ وتوافـيـق
ماينفـع الرجـال ، كـثـر التمـنـي
كم لي وانا من هالزمان ابلـع الريـق
واضحك واجامل واتجاهـل علـى انـي
مرتـاح مابيـن الرجـال المطالـيـق
وانا الزمان اللي إمتحنـك .. امتحنـي
ومافي يدي غيـر الشعـر والطواريـق
في دمعة عيوني وفـي ضحـك سنـي
ان ضقت .. قمت اجرّ صوتي من الضيق
وان رقت .. قمت اجرّ صوتـي وأغنـي
وماقول انـا شاعـر وفاهـم وذويـق
وماقول : انا مبدع على صغـر سنـي
لان الحرار اللـي بـروس الشواهيـق
حرار غصـب ٍ عنّـك وغصْـب عنـي
إن كنت بحلـم ! فالصـدور الصناديـق
وان كنت بحلم ، خيّـب الوقـت ظنـي
وإن كنـت بعلّـق علـى كـل تعليـق
حتى لسانـي .. بكـره يمـل منـي !


الله الله الله الله الله


محمد المسعري


من المطلع الكايف لاخرب بيت

والله انها قصيده تطرب صدز


صح لسانك من هنا الى مالانهايه


تحياتي وتقديري

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ...