واعيش في حالة ترقّب موغلـه فـي الانتبـاه
لعل باب التوبه الموصـود فـي وجـه اليتيـم
تقدر مفاتيح الدعاء المستجـاب مـن الصـلاه
تفتح مصاريعه على الوجدان في الشهر الكريـم
يارب مالي عن كرم عفوك على الدنيـا غنـاه
ولا لحالي غير غفرانـك مـلاذ مـن الجحيـم
انا لو املك خاتم سليمان .. وين القى عصـاه ؟
اللي تركها تلفظ الحكمه علـى انفـاس الحكيـم
غرقت مثلي مثل غيـري فـي ملـذات الحيـاه
لين اعتذر متني عن ذنوبـي وخلانـي غريـم
من لذة اسباغ الوضـوء .. ولـذة اذلال الجبـاه
كم غاب عني .. من طمأنينه ومن روضة نعيـم
كم لي وانا ابحث في خفايا الذات عن طوق النجاه
وكم لي على هالحال احث النور يغتـال العتيـم
مافي الصدر موطأ قدم الاّ النـدم يبحـث خفـاه
والخوف موجع .. والشعور بكثرة التقصير اليـم
يارب هب لي من لدن نفسك بخير الـزاد جـاه
يغني وقوفي يوم لايسأل حميـم ٌ عـن حميـم
واتمم علي الستر .. وامنحنـي مقاليـد الأنـاه
اسألك باسمائك .. قبل لا تاكـل النـار الهشيـم
عمري لو اغفلت اوله .. ماودي اغفل منتهـاه
قلبي على حلاوة الايمان مـن صغـري كظيـم
هيأ لي مـن الرشـد مايلـوي ذراع الاشتبـاه
ويجنّـب اقدامـي كلاليـب الصـراط المستقيـم
الله الله الله
عناد
الله يرحم والديك ويجزاك خير
يعلم الله انك علم من اعلام الشعر
ويعلم الله اني احبك في الله واحب قصيدك
ويعلم الله ان قصيدتك هذي تستحق الحفظ
صح لسانك
صح لسانك
صح لسانك
|