[align=center]مرحبا بكم بعد طول غياب
وكل عام وانتم بخير
واليكم هذه الأبيات من اخر ما كتبت[/align]

[poem=font="Arial,6,black,bold,normal" bkcolor="transparent" bkimage="backgrounds/13.gif" border="none,4,gray" type=2 line=1 align=center use=ex num="0,black"]
ياهاجسي ذب الطوال من الرجـوم وعدهـا=صدري على الجمّه من البارح يغيض ويمتلي
أختر من الثنتيـن وحـدة والجزيلـة بدهـا=الأولة قسمي والأخرى للردي ماهـي بلـي
عندي مهمة كايدة وأنـت الصعيبـة قدهـا=حرام ما انوّخ عن دروب المواجيـب جملـي
عقب السحابة خيلت دون الحـدود وسدهـا=ما عاد الي عذر اتعذر به وانا شوفي جلـي
القوم أوقفهـا واميّـز هزلهـا مـن جدهـا=واليا تعدت حدهـا بالنـار نصلاهـا صلـي
أما كسرنـا خشمهـا والاّ وسمنـا خدهـا=بالرمح رمح ذياب والا سيف أبو طالب علي
قال الوباري كلمـة الحـق البيـان وعدهـا=ما ينكر الحق الصريح الا عقـول الجهلـي
واللي سعى بالمشكلة ودروع جنبـه هدهـا=لاشٍ يدفونه على درب الردى مثـل الطلـي
قيل اللئيم ليا لقى الكرمـة يجيـك بضدهـا=هامل عسى الله لا يبارك فالجمـال الهملـي
نهض بمحلاته وعـوّد فـي جنوبـه ردهـا=واليا التفت في شلته قالوا ترى مالك حلـي
عسى يمينه فـي قفـاه تـرد قبـل يمدهـا=سواد فعله بالمذلـة طالـيٍ وجهـه طلـي
واللي علي عد الروى هـد المحـال وعدهـا=غرربه الشيطان واقفابه علـى دربٍ خلـي
على الدروب العوج يمسح لحيتـه ويكدهـا=من لا ولاه الله يروح ابليس اله حزب وولي
واليا نشدك ملهـي الرعيـان عنـي ردهـا=ما منكم اللي ينكر العوجى يهل وادي حلـي
وانا محمـد مـا تـروح الا بعـد تشتدهـا=لخلًي الجمرة على كبد العـدو تغلـي غلـي
ياللي عيونك في جنوبك في جنوبـك لدهـا=مبلي عسى الله لا يواخذنا ويشفي من بلـي
لا لا الحياء من ربعي الغالين لكشف سدهـا=للبسه ثوبٍ من الخـام الرخيـص مفصلـي
قست البحور وعارفٍ وش جزرها من مدها=أدخل مع البيبان وأعرف مخرجي من مدخلي [/poem]
[align=center]محمدابن بركي الوبيري العصيمي[/align]