السلام عليكم ورحمة لله وبركاته

العملاق...اسم يختفي خلفه شاعر عملاق ورجل بكل ما تحمله الكلمة من معنى

تشرفت بمعرفته في احد المواقع ولكنه يرفض ظهور اسمه وارسل لي ابيات

ورديت عليه والحقيقة اتمنى ان ارى اسمه ضمن عمالقة هذا الصرح

لاني ارى المرقاب مكانه الطبيعي


ابيات العملاق


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
على نظم البيوت اللي تسلي خاطر الملهوف=تحديت الضروف اللي عن الطاروق تنهاني
اهجرس بالبيوت اللي لها بين الضلوع كهوف=واعسف الشارده حتى انها ماعاد تعصاني
وانا لي في الشعر وقفه ولي عقل وعيون تشوف=واحب النادرات اللي تشوق كل طرباني
على وضح النقا سقت المعاني والهدف مكشوف=وصفن الخيل جالت والضلوع العوج ميداني
سلام الله سلام ٍ يدرج عبر الفضا ويطوف = على ابراج المحطة يتجه لك قاصد وعاني
سلام ٍ فيه من حوف الذياب السحم يوم تحوف=وانا اميز واعرف ان العوا للذيب سرحاني
يامشعل وانت لك شف ومزاج وللرجال شفوف = نصيتك بالعلوم وللهدف مرمى ونيشاني
عسانا لا تعبنا واعتنينا للتعب مخلوف = ولا يرجع رسول القاف متندم وخسراني
تحداني زماني وانت تعرف للزمان ظروف = هذا خطي ومرسولي وجوالي وعنواني
تحية والتحية صغتها فوق السطور حروف= ومعها من ضميري صادق احساسي وعرفاني
ختام الهرج لو ماني على جر الغنا مكلوف = خواطر والخواطر يالذيابي جوها ثاني[/poem]
وهذا ردي على العملاق

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هلا يامرحبا ترحيب وافي من صميم الجوف= تراحيب ٍ نطقها عن عميق شعوري لساني
لفني كايفات ٍ شاردات ٍ نادرات وصوف = عذاب ٍ غيد والعملاق رودعهن فالاوجاني
بعد جني على الجوال فزن الهجوس وقوف=فزيز الطيب اللي يفرح ليا جوه ضيفاني
وانا لي هاجس ٍ عند اللوازم راهي ومعروف= رصيده في بنوك المعرفة لولو ومرجاني
ليا مني نخيته ما وقف عن لازمي مكتوف = يمد ولا يصد وبالوفا مداته سماني
سحابه لا ترادم ثم جاله فالضمير قنوف = على قاع الورق سيّل من الجزلات ودياني
والا ياهاجسي رد القوافي يوم جن صفوف = على برج الفضا مع درب مرسول ٍ تنصاني
الا ياذيب هيضني عواك بعالي الشفشوف = وجاريت العوا ياذيب من فكري ووجداني
لقيت الغيم من دون القمر قلت القمر مخسوف = ومن بعد انجلا غيم السما نور القمر باني
ليا هبت هبوب البرد ما يدفيك غير الصوف= ومن يلبس سمول ٍ باليات ٍ بات برداني
وصوفك من جنوبك ياجمل درب القدا مشيوف = يشوفه كل رجال ٍ ذهين ٍ شوف الاعياني
وانا لي دون وجهي نفس ما ضريتها بالخوف= اجود بما تحوش يديّ لو ابات وجباني
رفيقي وان عرض لي وان عرض له فالزمان صدوف=انا ابلقاه وآعرفه ويعرفني ويلقاني
ولو ان السما تال الليالي غيثها مكفوف = دهور ٍ ما لقح فيها سحاب وهل وداني
زمان ٍ طمّن حشام ٍ كرام و ساد فيه ضعوف = وحد القرم والوافي على الزرّاي والشاني
ختام العلم كل الود بايات الثنا مردوف = من الاعماق للعملاق بالاشواق تزداني [/poem]