[align=center]السلام عليكم ورحمة الله وبركاته.

ابيات اتمنى لها القبول.[/align]


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يالسيوف ويالبشوت ويا الاصايل=عند بعض الناس وجدانك ضليمه
الك اهل تاريخ من حضر وقبايل=بس تال الوقت ما عاد الك قيمه
كل خبل ٍ جاك مايل ومتمايل=لوماله لاشداد ولا قديمه
الخبول اللي يضيعون القوايل=شرهوا تال الزمن بشداد ريمه
الهوايل يارياجيل الهوايل=يلبسون البشت واتحته الهزيمه
ليه مدري يازمن كيف انت قايل=السلامه منك نحسبها غنيمه
الحمايل وين وعيال الحمايل=باقي القليل وعيال النميمه
الحقيقه مابقي غير القلايل=من شيوخ المعنويه والعزيمه
الحقيقه قلتها والراس طايل=مايجامل فالصحيح الا بهيمه
كان ماعندي على قولي دلايل=سجلوا عليّ فالحاسب قسيمه[/poem]