[align=center]النص الذي شارك به شاعرنا المبدع
شامخ الشامخ
واجازته اللجنة[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ذبل رمش العيون من السهـر .. واتلمّـس المرقـاد = رمى ثقله على صدر الصبـاح .. و عانـق انعاسـه
غفت عينه مثل عين السجيـن اليـا ارهقـه جـلاد = تحت خده .. بقايا للأمل .. والصبـر .. واحساسـه
غفت عينه .. ولكن كانـت الصحـوة لـه بمرصـاد = همس بأذنه .. بقايا حلمـه .. اللـي يلفـظ انفاسـه
دفع نفسه مثـل طيـر ٍ .. تخيلـه بنـدق الصيـاد = ترك عشه على غصن الشجر .. يوم الخطـر داسـه
وثب .. واطلق كيانـه للريـاح .. وحزنـه المعتـاد = عليه من الهلع .. سود السحاب .. وخوفـه الباسـه
عليه من الزمن .. ( بصمة حزين ) .. وعين للحساد = عليه من الليالي .. غربته .. بيـن اهلـه وناسـه!
وقف بين الأمـل واليـاس .. والجثمـان والميـلاد = يصبّر حلمه اللـي يحتضـر .. ويشـد لـه باسـه
غريب .. ويمتطي صهوة ظروفة .. والحزن ميعـاد = غريب وغربته .. غربة حياة .. ونفس .. وادراسه
غريب ولا صديق ٍ يعتبـر عنـد اللـزوم .. اسنـاد = غريب! الا وحيد .. وتطـرق الايـام فـي راسـه!
ملامح شوفته .. لوحة رسمها .. كهـل مـن بغـداد = ملامح تحكي .. الحزن الأكيـد .. وتقـرع اجراسـه
تجاوب نظـرة اعيانـه .. سـؤال الجاهـل النشـاد = وتعكس واقـع ايامـه .. وتشـرح قصـة إفلاسـه
تقول انه سجيـن .. وذكرياتـه فـي يديـه اصفـاد = تقول انه مـع الغربـة .. شـرح حرمانـه وياسـه
من اخيوط الصباح .. يبروز الغربة .. وطن وامجاد = ومع جنـح الظـلام .. يغـادر البـرواز .. كراسـه
حياتـه فوضويـه .. وانحـدار ومنحنـى وابـعـاد = ولكنّه هرم .. يثبت على صحـراء الألـم .. ساسـه
نزف قلبه دمـاه .. ولا بكـت عينـه فـراق ابـلاد = سكب دمه على بحر القصيـد .. وفـاض هوجاسـه
هواجيسه .. على شط الحقيقـة .. سفنهـا .. ورّاد = ومن عمق الحقيقة .. يسكب اصدق حرف في كاسـه
حروفه لو تبخر .. ما احملتها السحب لأرض اعبـاد = ولو تبقى على البحر .. اعتـذر .. لولـوّه وماسـه
لكـم شكـره وعرفانـه .. ونبـرة حزنـة المعتـاد = ومعزوفة عناقيد الأمل .. والصبـر .. واحساسـه!! [/poem]
|