[align=center]النص الذي شارك به شاعرنا المبدع
ضيف الله بن حمدان الدلبحي
واجازته اللجنة[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
للشعر وقفه مثل وقفات الابطال =عند الشدايد يتضح لك وفاها
في موقف ٍ يصعب على كل رجال=ولا كل من هاز الطوال اعتلاها
واليوم وقت الشعر والحق ينقال=قصايد الشعار دارت رحاها
وانا طموحي غير .. وآمالي آمال=( عسى ولعل ) النفس تدرك مناها
قطعت من عمري مسافات واميال=فيها المصاعب صعب يوصف مداها
ماكان دربي فيه للغيمه ظلال=ولا حف بزهور الربيع وشذاها
جيت وطريقي فيه من كل الاشكال=حر .. وسموم .. وشمس يحرق سناها
واشواك .. واسوار .. ومتاهات .. وجبال=وخدعة سراب احلام .. يابعد ماها
واشباه ناس .. وباقي آثار واطلال=وعلة صديقٍ ماعرفنا دواها
وكيد .. وغدر.. وسدود .. وقيود واغلال=منها اظلمت دنياي واقفى رجاها
مشيت في دربي وانا ضايق البال=أسج رجل الحزن واسحب خطاها
وانا اعرف ان العمر حل ٍ وترحال=رحله ، ولا نعلم متى منتهاها
وقفت في وجه التحدي والانذال=وصبري على العدوان بيح خفاها
لين ابتدى عهد السعد والشقى زال=صفحة دروب الهم قلبي طواها
لمحت لي ( روض ٍ ) من البعد يختال=بين الجبال اللي تعانق سماها
فيه الزهر .. والعشب .. واشجاره طوال=وشلال من حيد الجبال يتباها
والغيم برقه سيف .. والرعد موال=لوحه بسحر الحسن ربي حباها
وشفت السما والليل في عشق ووصال =وأحلى ( النجوم ) اللي يشدك ضياها
وشفت ( البدر ) باسم وله قدر واجلال=و ( خمسة كواكب ) ساطعه في فضاها
وسويت لي من صافي الشعر فنجال=في جلسة ٍ بالروض ينعش هواها
فيه انتهت رحلة معاناه وآمال=وثمنت لحروف القصايد وفاها[/poem]
|